Poet
sunta nahin kisu hi ki vo yaar dekhna
kiijo na us se hal-e-dil izhar dekhna
gustakh be-tarah hai tujh aghosh se ye haath
ho jaega gale ka tire haar dekhna
tujh dar pe misl-e-naqsh-e-qadam ek umr se
pyare fatada hai ye gunahgar dekhna
ghar tere gae pe tujh kuun na paaya bila raqib
mujh ko hua ye gul ke evaz khaar dekhna
sham-e-jamal apne pe chahe jo imtihan
parvana-var mujh ko bhi yak-bar dekhna
koi tira-bakht mujh sa bhi hoga jahan men
tujh zulf se mila na mujhe taar dekhna
is raz-e-ishq ko kahin ro ro ke shama saan
izhar kijiyo na ‘jahandar’ dekhna
Leave a Reply