Irfan Sattar
shikast-e-ḳhvab ka hamen malal kyuun nahin raha
bichhaḌ ga.e to phir tira ḳhayal kyuun nahin raha
agar ye ishq hai to phir vo shiddaten kahan ga.iin
agar ye vasl hai to phir muhal kyuun nahin raha
vo zulf zulf raat kyuun bikhar bikhar ke rah ga.i
vo ḳhvab ḳhvab silsila bahal kyuun nahin raha
vo saaya jo bujha to kya badan bhi saath bujh gaya
nazar ko tirgi ka ab malal kyuun nahin raha
vo daur jis men agahi ke dar khule the kya hua
zaval tha to umr-bhar zaval kyuun nahin raha
kahin se naqsh bujh ga.e kahin se rang uḌ ga.e
ye dil tire ḳhayal ko sambhal kyuun nahin raha
Leave a Reply