Wajid Ali Shah Akhtar
labalab kar de ai saaqi hai khali mera paimana
salamat daur-e-gardun tak ye shisha aur ye mai-khana
na puchho naam mujh vahshat-zada ka dasht-e-furqat men
sidi saudai majnun mast be-khud zar-o-divana
mujhe mushrik na samjho main muvahhid huun zamane men
tasavir-e-khayali se bhara hai mera but-khana
hua matla jo mushrik men to maghrib men hua maqta
liye phirte hain ham dosh-e-saba par bait ka khana
urus-e-fikr meri aur dulhe se na zam hogi
faqiri ki milegi bu jo joda hoga shahana
bhala lahj-o-lahja istada kya bayan hoga
qayamat tak to suniye baith kar ulfat ka afsana
zaifi men bhi lipti hai bala-e-shaeri mujh se
na chutegi kabhi ‘akhtar’ qalam se mashq-e-tiflana
Leave a Reply