dekh tera jamal kuchh ka kuchh
dil men aaya khayal kuchh ka kuchh
aaj lagta hai meri ankhon men
vo mira naunihal kuchh ka kuchh
dekh us manharan ki ankhon ko
ho gaya us ka haal kuchh ka kuchh
khat pe us ke to thi kuchh aur hi bahar
hai faribinda khaal kuchh ka kuchh
hai taraqqi men us khush-abru ka
husn misl-e-hilal kuchh ka kuchh
haal dikhlate hain zamane ka
gardish-e-mah-o-sal kuchh ka kuchh
ai ‘jahandar’ mashq-e-sher men ab
tu ne paaya kamal kuchh ka kuchh