khun-e-dil hota raha khun-e-jigar hota raha
ye tamasha ishq men sham-o-sahar hota raha
is jahan-e-ab-o-gil men yuun basar hoti rahi
muskurate bhi rahe daman bhi tar hota raha
arzuon ko tadap kar niind si aati gai
qissa-e-bimar-e-gham yuun mukhtasar hota raha
in ki baton par yaqin ham umar bhar karte rahe
intizar-e-sham-e-vaada umr bhar hota raha
talkhi-e-gham se na pal bhar ke liye fursat mili
umr bhar go chara-e-dard-e-jigar hota raha