Aarzuon Ke Shahar Jalne Lage

ārzūoñ ke shahar jalne lage

kārvāñ saath saath chalne lage

terī āñkhoñ se mai chhalakne lagī

aur gir gir ke ham sambhalne lage

ik mohabbat thī aur kuchh bhī nahīñ

ham tirā naam le ke chalne lage

thā añdherā samundaroñ meñ magar

sāhiloñ par charāġh jalne lage

mausam-e-gul hai aur terā ḳhayāl

aur ham saath saath chalne lage

Leave a Comment