Poet
miTTi ki tasvir hai insan lekin hai ye haal miyan
is ke dil men armanon ka phaila hai ik jaal miyan
jis ko dekho dam bharta hai ulfat pyaar mohabbat ke
baton ka dhanvan hai lekin dil ka hai kangal miyan
vaqt hai aisa farzanon ke paaon ukhḌe jaate hain
ek na ik din kaam aa.egi divanon ki chaal miyan
itni kaḌi hai dhuup yahan ki tera mera zikr hi kya
kaise-kaise log yahan par haal se hain behal miyan
chahat ki rangin Dagar par tanha chalna khel nahin
ham bhi ‘niyazi’ ho aa.e hain ji ka hai janjal miyan
Leave a Reply