Rana Abdurrab
aap se rabta nahin mire dost
saans ka silsila nahin mire dost
apni marzi ki khinch lo tasvir
zindagi camera nahin mire dost
dost to aur bhi hazaron hain
koi bhi aap sa nahin mire dost
tu ne dushman samajh liya mujh ko
main ne kuchh bhi kaha nahin mire dost
barha tera mujh se mil jaana
ye koi hadisa nahin mire dost
main use bhuul ja.un pagal ho
muft ka mashvara nahin mire dost
tu bahut duur hai magar phir bhi
ye koi fasla nahin mire dost
main tiri call kaaT duun ‘abdul’
mujh men ye hausla nahin mire dost
Leave a Reply