Husain! Tumi Kothae

khanDar sa shahr

ghup tarik raton men

husain-ibn-e-ali ki yaad men matam-kunan

ro-ro ke kahta hai

husain! tuumi kothae?

mahabt-e-jang ki ye sarzamin

murshid ki ye basti

tarasti hai siraj-uddola ko har-pal

masajid men namazi chidiyan pabandi se aati hain

shikasta hain bhi to iman ka mehrabon se kya matlab

aqidon ko hai mimbar kya

ab in viran taqon men diyon ki kaun sochega

chalo, langar uthao

kuuch karna hai udhar ko ab

jahan koi andhere men yunhi matam-kunan hoga

na jaane kab giren lashen

lute ḳheme

udi chadar

na jaane kab kisi ne rakh diye hathiyar

kis ne zid men de di jaan

ye nauhe phir kisi din ke liye rakh do

ki tariḳhen rulati hain

chalo paat aaen ḳhandaq

mod den topen

utha kar phenk den jins-e-tijarat gahre paani men

vo sharten aaj manvalen

kabhi jin par siyahi pher di thi mir-‘jaafar’ ne

Leave a Comment