Zulm Sahte Rahe Shukr Karte Rahe Aai Lab Tak Na Ye dastan Aaj Tak

zulm sahte rahe shukr karte rahe aai lab tak na ye dastan aaj tak

mujh ko hairat rahi anjuman men tiri kyuun hain ḳhamosh ahl-e-zaban aaj tak

ishq mahv-e-gham-e-zindagi ho gaya husn madhosh-e-ishva-tarazi raha

ahl-e-dil hosh men aa chuke hain magar hai vahi alam-e-dil-baran aaj tak

aise guzre hain ahl-e-nazar raah se jin ke qadmon se zarre munavvar hue

aur aise munavvar jinhen dekh kar rashk karti rahi kahkashan aaj tak

karvanon ke rahbar ne rahzan phir bhi manzil pe kuchh rah-rau aa gae

vo nae karvanon ke rahbar bane jin se hai azmat-e-rahbaran aaj tak

mushkilen afaten hadse sanehe aae ‘aḳhtar’ miri raah men kis qadar

mujh ko aage baḌhata raha hai magar mera dil mera azm-e-javan aaj tak

Leave a Comment