ek suḳhan ko bhuul kar ek kalam tha zarur
mera to zikr hi na tha par tira naam tha zarur
kaanp rahe the mere haath chiḳh rahe the bam-o-dar
zahr agar nahin tha vo aḳhiri jaam tha zarur
yunhi nahin tamam umr sajde men hi guzar ga.i
ishq ki is namaz ka koi imaam tha zarur
yaad abhi nahin hamen zehn pe zor de chuke
tum hi se milne aa.e the tum se hi kaam tha zarur
tum ne jab us ki baat ki tum pe bhi pyaar aa gaya
chuma nahin tumhen miyan garche maqam tha zarur
aap mujhe bhula chuke yaad to kijiye janab
meri bhi ik shanaḳht thi mera bhi naam tha zarur
Leave a Reply