Farogh-E-Gul Se Alag Barq-E-Ashiyan Se Alag

Ravish Siddiqi

farogh-e-gul se alag barq-e-ashiyan se alag

lagi hai aag yahan se alag vahan se alag

sukut-e-naz ne iz.har kar diya jis ka

vo ek baat thi pairaya-e-bayan se alag

sunen to ham bhi zara jabr-o-iḳhtiyar ki baat

kahan kahan hain ye shamil kahan kahan se alag

hamara haal zamane se kuchh juda to nahin

ye dastan nahin duniya ki dastan se alag

ḳhizan ka zikr hi kya hai ki ai ‘ravish’ ham ne

bhari bahar guzari hai gulistan se alag