Maine Ek KHwab Kya Suna Dala

maiñ ne ik ḳhvāb kyā sunā Daalā

bhā.iyoñ ne kueñ meñ jā Daalā

yaar tum bhī ajab madārī ho

saañp rassī ko hai banā Daalā

aisī chaa.e kabhī na pī maiñ ne

sach batā tū ne is meñ kyā Daalā

aañkh bhar ke jab us ne dekhā to

zard mausam meñ dil khulā Daalā

bas vo nekī savāb bantī hai

dosh-e-dariyā jise bahā Daalā

maiñ kahīñ lāpata na huuñ jā.ūñ

tū ne kis khoj meñ lagā Daalā

koī samjhegā yā nahīñ ‘arshad’

jo sunānā thā vo sunā Daalā

Leave a Comment