Poet
koi bhi shaḳhs na hangama-e-makan men mila
har ek jalte hue gham ke sa.eban men mila
koi na zehn men surat na koi ḳhaka hai
vo mujh se jab bhi mila malgaje dhuan men mila
bayan karne pe aa.uun to lafz TuTte hain
vo ek aks jo bujhte hue saman men mila
vo shai ki jis ne dhuan dil men mere phailaya
nishan us ka na kuchh duur tak dhuan men mila
safar tamam hua itni ḳhush-ḳhirami se
tanav bhi nahin kashti ke badban men mila
zara ye soch haqiqat bana to kya hoga
vo sha.iba jo mujhe sarhad-e-guman men mila
suna hai har ghaḌi tu muskurata rahta hai
mujhe bhi jazb zara kar ke jism-o-jan men mila
Thahar sakega na har shaḳhs zad pe socha nahin
vo tiir chal gaya jo vaqt ki kaman men mila
jo mujh pe match kare mera apna kahla.e
libas aisa na mujh ko saji dukan men mila
Leave a Reply