Aftab Iqbal Shamim
phir bapa shahar men afratafri kar jaae
koi ye sukhi hui daar hari kar jaae
jab bhi iqrar ki kuchh raushaniyan jama karun
meri tardid miri be-basari kar jaae
maadan-e-shab se nikale zar-e-khushbu aa kar
aae ye moajiza bad-e-sahari kar jaae
kasraten aaen nazar zaat ki yaktai men
ye tamasha kabhi ashufta-sari kar jaae
lamha munsif bhi hai mujrim bhi hai majburi ka
faeda shak ka mujhe de ke bari kar jaae
us ka meaar hi kya roz badal jaata hai
chhodiye! vo jo agar na-qadri kar jaae
Leave a Reply