Farooq Bakshi
us ke honTon pe bad-dua bhi nahin
ab mire vaste saza bhi nahin
lafz ḳhamoshiyon ka parda hain
bolta hai vo bolta bhi nahin
main ne phulon ko khilte dekha hai
us ne honTon se kuchh kaha bhi nahin
ek muddat se saath huun apne
aur main ḳhud ko janta bhi nahin
hadse aam ho ga.e itne
muḌ ke ab koi dekhta bhi nahin
jaane kyuun dil ki aankh roti hai
mere andar koi mara bhi nahin
Leave a Reply