Waseem Barelvi
nigahon ke taqaze chain se marne nahin dete
yahan manzar hi aise hain ki dil bharne nahin dete
ye log auron ke dukh jiine nikal aae hain sadkon par
agar apna hi gham hota to yuun dharne nahin dete
yahi qatre jo dam apna dikhane par utar aate
samundar aisi man-mani tujhe karne nahin dete
qalam main to utha ke jaane kab ka rakh chuka hota
magar tum ho ke qissa mukhtasar karne nahin dete
hamin un se umiden asman chhune ki karte hain
hamin bachchon ko apne faisle karne nahin dete
Leave a Reply