ana ne TuuT ke kuchh faisla kiya hi nahin
bayan apna kabhi mudda.a kiya hi nahin
har ek shaḳhs ko insan hi rakha ham ne
ki aadmi ko nazar men ḳhuda kiya hi nahin
bas ek baar hi toḌa jahan ne ahd-e-vafa
kisi se ham ne phir ahd-e-vafa kiya hi nahin
ka.i dishaon se guzra hai karvan-e-hayat
Thahar ke dil ko kahin mubtala kiya hi nahin
pahaḌ zulm-o-sitam ke hansi men kaaT diye
ada-e-naz ki koi gila kiya hi nahin
chhua jise bhi vahi lafz ban gaya tariḳh
ki be-asar koi jumla ada kiya hi nahin
tamam umr sanvara ghazal ki duniya ko
ki ‘ashk’ ham ne kuchh is ke siva kiya hi nahin
Leave a Reply