abrar-ahmad

Ye Bhi To Kamal Ho Gaya Hai

ye bhi to kamal ho gaya hai

zahir vo jamal ho gaya hai

jis kaam men ham ne haath Daala

vo kaam muhal ho gaya hai

guzri hui umar ka har ik pal

minnat-kash-e-hal ho gaya hai

dil kaun sa taza-dam tha pahle

ab aur niDhal ho gaya hai

kuchh roz jo din phire hain apne

vo shamil-e-hal ho gaya hai

jo khvab se khuun se kamaya

vo muft ka maal ho gaya hai

ye dekh ki tere samne kaun

sar-ta-pa saval ho gaya hai

ai khauf-e-zaval tere hathon

sab ru-ba-zaval ho gaya hai

More Poems

Leave a Comment