Javed Akhtar
sukhi Tahni tanha chiḌiya phika chand
ankhon ke sahra men ek nami ka chand
us mathe ko chume kitne din biite
jis mathe ki ḳhatir tha ik Tiika chand
pahle tu lagti thi kitni begana
kitna mub.ham hota hai pahli ka chand
kam ho kaise in ḳhushiyon se tera gham
lahron men kab bahta hai naddi ka chand
aao ab ham is ke bhi TukḌe kar len
Dhaka ravalpinDi aur dilli ka chand
Leave a Reply