Poet
bas tamanna hai ishq-e-maula men
ki marun main yahi tamanna men
ishq-e-khuban nahin hai aisi shai
bandh kar rakhiye jis ko pudiya men
rukh-e-afshan men tere alam-e-nur
nam qamar men hai nam surayya men
yad-e-baiza ka hai khayal aata
dekh mehndi tire kaf-e-pa men
tere bimar-e-hijr ai mahbub
na to moti men hain na ahya men
vahdahu-la-sharik-la hai tu
tujh sa duniya men hai na uqba men
tujh ko kyuun kar kahen ham harjai
nuur to jalva-gar hai har ja men
kya kahun din ko kis qadar roya
raat dilbar ko dekh ruuya men
ishq lagte hi ho gaya maalum
hal-e-majnun ishq-e-laila men
maraz-e-ishq husn-e-khuban ka
marg darman hai naam hukama men
hasil-ul-amr ham hue badnam
ishq husn-e-butan-e-zeba men
rukh-e-yusuf se rukh mushabah hai
lab hain milte lab-e-masiha men
ab-e-baran se gir na paae madad
khaak pad jaae chashm-e-dariya men
ye dua haq se hai mira ‘matam’
dafn ho karbala-mualla men
Leave a Reply