Poet
dil dukha tha mira aisa ki dikhaya na gaya
dard itna tha ki ḳhud un se baḌhaya na gaya
be-ḳhud-e-ishq se phir hosh men aaya na gaya
sar jo sajde men jhukaya to uThaya na gaya
raaz us parda-nashin ka kabhi paaya na gaya
mahram-e-raz se bhi raaz bataya na gaya
afrin lazzat-e-nazzara ḳhusha alim-e-kaif
dil ka aana tha ki phir hosh men aaya na gaya
lab pe apne na kabhi harf-e-tamanna aaya
raaz dil ka magar ankhon se chhupaya na gaya
ishq se dil ne kisi tarah na fursat paa.i
ye vo shola hai ki dahka to bujhaya na gaya
jalva yuun aam kiya us ne ki sab ne dekha
parda yuun us ne giraya ki uThaya na gaya
Leave a Reply