Kya Na-Didon Se Zamane Ko Sarokar Hai Aaj

kyā na-dīdoñ se zamāne ko sarokār hai aaj

ek dirham jo rakhe mālik-e-dīnār hai aaj

kal to ma.amūra-e-ālam ko Dubāyā ai chashm

kyā ḳharābī hai tū phir rone ko tayyār hai aaj

dekhnā dekhnā kyā dil meñ lagī ātish-e-ishq

kyuuñ mirā nāla-e-ḳhūñ-bār sharar-bār hai aaj

ai ‘razā’ ḳhatt-e-siyah us ke nahīñ chehre par

husn ke vāqiye kā yaar azā-dār hai aaj

Leave a Comment