Tabish Dehlvi
band-e-gham mushkil se mushkil-tar khula
ham se jab koi pari-paikar khula
mil ga.i vahshi ko sauda se najat
dar khula divar men ya sar khula
jan-sitani ke na.e andaz hain
haath men ghamze ke hai ḳhanjar khula
meri vahshat ne nikale jab se paanv
ek sahra sahn ke andar khula
dekhne men vo nigah-e-lutf thi
kis se puchhen zaḳhm-e-dil kyunkar khula
koi jaada hai na manzil hai koi
sab fareb-e-rahi-o-rahbar khula
hai qayamat us ki mizhgan ka ḳhayal
rakh diya hai dil men ik nashtar khula
ye zuleḳha.i! ki yusuf ke liye
misr ka bazar hai ghar ghar khula
nau-umidi se bandhi ‘tabish’ umiid
abr-e-gham dil par bahut ghir kar khula
Leave a Reply