ye hai mai-kada yahan rind hain yahan sab ka saaqi imaam hai
ye haram nahin hai ai shaiḳh ji yahan parsa.i haram hai
jo zara si pi ke bahak gaya use mai-kade se nikal do
yahan tang-nazar ka guzar nahin yahan ahl-e-zarf ka kaam hai
koi mast hai koi tishna-lab to kisi ke haath men jaam hai
magar is pe koi kare bhi kya ye to mai-kade ka nizam hai
ye janab-e-shaiḳh ka falsafa hai ajiib saare jahan se
jo vahan piyo to halal hai jo yahan piyo to haram hai
isi ka.enat men ai ‘jigar’ koi inqalab uThega phir
ki buland ho ke bhi aadmi abhi ḳhvahishon ka ghulam hai
Leave a Reply