Afzal Parvez
jo dard-e-dil kaho ahista bolo
khushi se gham saho ahista bolo
fughan karna bhi jurm-e-ashiqi hai
bade chaukas raho ahista bolo
tumhari aah bhi hai bar-e-khatir
takallum ke shaho ahista bolo
dar-o-divar bhi hote hain jasus
koi sunta na ho ahista bolo
ab ah-e-zer-e-lab hai bazm ki rasm
isi rau men baho ahista bolo
sirhane dil hi dil men baat karna
hamare dil-daho ahista bolo
sada sar phod kar aaegi vapas
yahi chabuk saho ahista bolo
Leave a Reply