dil pe mushkil hai bahut dil ki kahani likhna
jaise bahte hue paani pe ho paani likhna
koi uljhan hi rahi hogi jo vo bhuul gaya
mere hisse men koi shaam suhani likhna
aate jaate hue mausam se alag rah ke zara
ab ke ḳhat men to koi baat purani likhna
kuchh bhi likhne ka hunar tujh ko agar mil jaa.e
ishq ko ashkon ke dariya ki ravani likhna
is ishare ko vo samjha to magar muddat ba.ad
apne har ḳhat men use rat-ki-rani likhna
Leave a Reply