vajud-e-ḳhak se bahar nikal dega vo
mujhe bhi apne sarape men Dhaal dega vo
main janta huun mohabbat men harne ke ba.ad
sabhi ke samne meri misal dega vo
shikoh-e-baḳht pe masrur shaḳhs ko aḳhir
kisi faqir ke qadmon men Daal dega vo
main us ke haq men yahan aḳhiri dua-go huun
mujhe bhi apni safon se nikal dega vo
koi to shakl hai maujud mujh men bhi ‘shahzad’
main sang huun to mujhe ḳhadd-o-ḳhal dega vo
Leave a Reply