Poet
tum se shikva bhi nahin koi shikayat bhi nahin
aur is tark-e-taalluq ki vazahat bhi nahin
yaad miras hai yaden hi amanat hain miri
vo to mahfuz hain ab un ki inayat bhi nahin
jab miri gardish-e-dauran se mulaqat hui
hans ke bole tujhe hajat-e-kifayat bhi nahin
talkh yadon ka dafina hai ye maasum sa dil
talkh yadon se hamen koi shikayat bhi nahin
‘asifa’ sirf hai kahne ke liye dil mera
ab magar dil pe mire meri hukumat bhi nahin
Leave a Reply