Poet
sab men huun phir kisi se sarokar bhi nahin
ghafil agar nahin huun to hoshyar bhi nahin
qimat agar vo dete hain takrar bhi nahin
kuchh ham ko dil ke dene men inkar bhi nahin
nisbat hai jism o ruuh ki allah-re ittihad
sub.ha agar nahin hai to zunnar bhi nahin
baiTha huun us ki yaad men bhula huun ghair ko
zahid agar nahin huun riya-kar bhi nahin
jaa.en vo qatl-e-ghair ko ham rashk se maren
aisi to apni jaan se bezar bhi nahin
aana ho aao varna ye kah do na a.enge
sun lo ye do hi baten hain tumar bhi nahin
sauda tamam ho gaya bazar uTh gaya
vo dil bhi ab nahin vo ḳharidar bhi nahin
tarz-e-jafa bhi bhuul ga.i kya vafa ke saath
dil-dar gar nahin ho dil-azar bhi nahin
lenge hazar dar se palaT kar dar-e-murad
mun.im na den to kya tiri sarkar bhi nahin
bhejenge hasb-e-hal unhen go na likh saken
kya daman aur dida-e-ḳhun-bar bhi nahin
bulbul chaman ko dekh ḳhizan ke sitam ko dekh
gul ka to zikr kya hai kahin ḳhaar bhi nahin
azad hain sharab ke aadi nahin ‘habib’
ahbab gar pila.en to inkar bhi nahin
Leave a Reply