tasavvur men bahut kiin anjuman-ara.iyan ham ne
saliqe se guzarin is tarah tanha.iyan ham ne
ajab kya hai jo tum ne vaqt ki angḌa.iyan dekhin
badal Daali hain aksar vaqt ki angḌa.iyan ham ne
vahin par aaj shor-e-nala-o-shevan bapa dekha
jahan dekhi thiin kal bajti hui shahna.iyan ham ne
hazaron kulfaten thiin zindagi ki raah men lekin
na paḌne diin gham-o-alam ki parchha.iyan ham ne
‘habab’ is daur-e-pur-ashob men qadr-e-hunar kya ho
samo kar garche rakh diin sher men gahra.iyan ham ne
Leave a Reply