mere karobar men sab ne badi imdad ki
daad logon ki gala apna ghazal ustad ki
apni sansen bech kar main ne jise abad ki
vo gali jannat to ab bhi hai magar shaddad ki
umr bhar chalte rahe ankhon pe patti bandh kar
zindagi ko DhunDne men zindagi barbad ki
dastanon ke sabhi kirdar kam hone lage
aaj kaghaz chunti phirti hai pari baghdad ki
ik sulagta chiḳhta mahaul hai aur kuchh nahin
baat karte ho ‘yagana’ kis aminabad ki