Zehra Nigaah
ye udasi ye phailte saae
ham tujhe yaad kar ke pachhtae
mil gaya tha sakun nigahon ko
ki tamanna to ashk bhar aae
gul hi ukta gae hain gulshan se
baghban se kaho na ghabrae
ham jo pahunche to rahguzar hi na thi
tum jo aae to manzilen laae
jo zamane ka saath de na sake
vo tire astan se laut aae
bas vahi the mata-e-dida-o-dil
jitne aansu mizha talak aae
Leave a Reply