Maut Bhi Kuchh Zindagi Se Kam Nahin

maut bhī kuchh zindagī se kam nahīñ

ye añdherā raushnī se kam nahīñ

terī āñkhoñ meñ tapish hai june kī

terā chehra january se kam nahīñ

merā lahja hai agar parvīn sā

terī ġhazleñ qāsmī se kam nahīñ

uñgliyāñ ham par uThā kuchh soch kar

yaad rakh ham bhī kisī se kam nahīñ

tū mirī ḳhātir guzartā vaqt hai

aur maiñ terī ghaḌī se kam nahīñ

Leave a Comment