aankh ashk bahane pe hai mamur minal-ishq
aur honT hain chup rahne pe majbur minal-ishq
daman pe tire dagh-e-mohabbat nahin ik bhi
lagta hai miyan tu mujhe maqhur minal-ishq
chalti hai uTha kar tiri ḳhushbu-e-badan ko
meri to har ik saans hai mazdur minal-ishq
maj.hul hai mat.un hai mal.un hai vo shaḳhs
jo hijr se ghabra ke ho mafrur minal-ishq
‘ammar’ ka iman hai chahat ke jahan men
hota hai vahi jo bhi ho manzur minal-ishq
Leave a Reply