sukut-e-asr men gunji hui azaan huun main
bahut se girti nashinon ke darmiyan huun main
adab ki karb-o-bala kufa-e-sada hai gavah
hava-e-sham ka likha hua bayan huun main
vo ḳhema-gah-e-mohabbat to jal ga.i kab ki
aur us ki raakh men muddat se nim-jan huun main
furat-e-tishnagi-e-shauq ru-ba-ru tere
jise jalaya gaya tha vahi makan huun main
vo TuuTa neza vo be-chadari vo sham-e-alam
kabhi jo ḳhatm na hogi vo dastan huun main
gulu-e-tishna-labi dekh kis saliqe se
kashida tiir sambhale hue kaman huun main
shari.at-e-dil-o-duniya uTha.e phirti rahi
vo kah raha hai magar phir bhi na-tavan huun main
ye bam-o-dar ko sajaya gaya hai mere liye
nazargi tiri ḳhatir lahuluhan huun main
Leave a Reply