Saleem Raza Rewa
dar dar phirte logon ko dar de maula
banjaron ko bhi apna ghar de maula
jo auron ki ḳhushiyon men ḳhush hote hain
un ka bhi ghar ḳhushiyon se bhar de maula
zulm-o-sitam ho ḳhatm na ho dahshat-gardi
amn-o-aman ki yuun barish kar de maula
bhuke pyase muflis aur yatim hain jo
nazar-e-inayat un par bhi kar de maula
jo karte hain ḳhun-ḳharaba zulm-o-sitam
un ke bhi dil men thoḌa Dar de maula
Leave a Reply