Zulm Ki Kuchh Miad Nahin Hai

zulm ki kuchh miad nahin hai

daad nahin fariyad nahin hai

qatl hue hain ab tak kitne

ku-e-sitam ko yaad nahin hai

akhir roen kis ko kis ko

kaun hai jo barbad nahin hai

qaid chaman bhi ban jaata hai

murgh-e-chaman azad nahin hai

lutf hi kya gar apne muqabil

satvat-e-barq-o-bad nahin hai

sab hon shadan sab hon khandan

tanha koi shaad nahin hai

davat-e-rang-o-nikhat hai ye

khanda-e-gul barbad nahin hai

Leave a Comment