Zulf Teri Ne Pareshan Kiya Ai Yar Mujhe

zulf teri ne pareshan kiya ai yaar mujhe

teri ankhon ne kiya aap sa bimar mujhe

dil bujha jaae hai aghyar ki shorish pe mira

sard karti hai tiri garmi-e-bazar mujhe

aql hi maujib-e-taklif hui hai nadan

kar gai be-khabari aa ke khabar-dar mujhe

takht aur chhitr salatin ko mubarak hove

bas hai kuche men tire saya-e-divar mujhe

juun misal us ki numudar hui tuun hi ‘bayan’

tapish-e-dil ne kiya khvab se bedar mujhe

Leave a Comment