dil Mera Soz-e-Nihan Se Umr Bhar Betab Tha

dil mira soz-e-nihan se umr bhar betab tha

kashti-e-dil ka muqaddar pur-ḳhatar girdab tha

vaan ki aariz surḳh tha rang-e-tila-e-nab se

yaan vufur-e-ashk se mizhgan mira simab tha

jaise khoje kafiron men nik.hat-e-iman koi

hasil-e-haq is jahan men is qadar nayab tha

vaan ki us ko niind misl-e-maghfirat hasil rahi

yaan koi azurdagi se ta-qaza be-ḳhvab tha

jab likha dil ka fasana bah gaya kaghaz kahin

ashk the itne ravan mera qalam pur-ab tha

sher aise kah ke bhi hasil mira gum-nam hai

varna mera ye hunar to qabil-e-alqab tha

Leave a Comment