Arshad Abdul Hamid
junun ke taur ham idrak hi se bandhte hain
ki tir-o-tar ko fitrak hi se bandhte hain
bayon ko shaḳh-e-gul-e-tar hi raas aati hai
agarche ghonsle ḳhashak hi se bandhte hain
falak se nur-o-tamazat to lete hain lekin
shajar jaḌon ko faqat ḳhaak hi se bandhte hain
lahu se sarf-e-nazar ki ajab rivayat hai
umid-e-nashsha yahan taak hi se bandhte hain
ham apne hathon pe itrate hain magar ‘arshad’
tilism-e-kuza-gari chaak hi se bandhte hain
Leave a Reply