ambarin-salahuddin

Asir-E-Khwab Nai Justuju Ke Dar Kholen

asir-e-khvab nai justuju ke dar kholen

hava pe haath rakhen aur apne par kholen

samete apne sarabon men barishon ka jamal

kahan ka qasd hai ye raaz khush-nazar kholen

use bhulane ki phir se karen nai sazish

chalo ki aaj koi nama-e-digar kholen

ulajhti jaati hain girhen adhure lafzon ki

ham apni baton ke saare agar magar kholen

jo khvab dekhna taabir khojna ho kabhi

to pahle raat ke lipte hue bhanvar kholen

ik iint samne divar se nikalen ab

chalo ki phir se naya koi dard-e-sar kholen

More Poems

Leave a Comment