Zor Hai Garmi-E-Bazar Tere Kuche Mein

zor hai garmi-e-bazar tire kuche men

jama hain tere kharidar tire kuche men

dekh kar tujh ko qadam uth nahin sakta apna

ban gae surat-e-divar tire kuche men

paanv phailae zamin par main pada rahta huun

surat-e-saya-e-divar tire kuche men

go tu milta nahin par dil ke taqaze se ham

roz ho aate hain sau baar tire kuche men

ek ham hain ki qadam rakh nahin sakte varna

ainDate phirte hain aghyar tire kuche men

pasbanon ki tarah raton ko be-tabi se

naale karte hain ham ai yaar tire kuche men

aarzu hai jo marun main to yahin dafn bhi huun

hai jagah thodi si darkar tire kuche men

gar yahi hain tire abru ke ishare qatil

aj-kal chalti hai talvar tire kuche men

hal-e-dil kahne ka ‘nasikh’ jo nahin paata baar

phenk jaata hai vo ashar tire kuche men

Leave a Comment