us se ji bhar ke mili dad-e-tamanna mujh ko
jis ne tasvir tiri dekh ke dekha mujh ko
dekhne vaale ye kis shaan se dekha mujh ko
aaj duniya ke maze de ga.i duniya mujh ko
jazb-e-dil tere karishmon ne ulaT di duniya
ab sunate hain vo ḳhud mera fasana mujh ko
be-tahasha tiri tasvir pe jaati hai nigah
jab koi kahta hai taqdir ka maara mujh ko
ek dhaj alam-e-vahshat men badalta huun roz
chahta huun ki kahen log tumhara mujh ko
ghar ko chhoḌa hai ḳhuda jaane kahan jaane ko
ab samajh lijiye TuuTa hua taara mujh ko
dil lahu kar gaya aghaz-e-mohabbat ‘manzar’
aur abhi dekhna baaqi hai natija mujh ko
Leave a Reply