Ziyaada Sochne Wale Tujhe Pata Nahin Hai

ziyāda sochne vaale tujhe pata nahīñ hai

jo tujh ko siine lagātā hai vo tirā nahīñ hai

vahāñ pe ham bhī haiñ maujūd DhūñDne vaalī

so tere dil meñ akelā tirā ḳhudā nahīñ hai

tumheñ pata hai ki tum kis liye hue ho zalīl

tumhāre paas koī apnā nazriya nahīñ hai

haiñ bad-dimāġh mirī tarah mere saare dost

koī bhī duniyā ke baare meñ sochtā nahīñ hai

ai laḌkī tujh ko bhalā mujh meñ kyā nazar aayā

‘vaqār’ ḳhām-sifat tere kaam kā nahīñ hai

Leave a Comment