qafas men rah ke gul-o-nastaran ki baat karo
chaman se duur ho lekin chaman ki baat karo
abhi to jazb-e-mohabbat ki azmaish hai
farogh-e-ishq ki dar-o-rasan ki baat karo
jale shabab ke tufan men sham-e-taqva kya
bahar-e-nau ki sharab-e-kuhan ki baat karo
khilaf-e-maslak-e-ulfat hai shikva-e-saqi
na tishna-kami-e-kam-o-dahan ki baat karo
yahan fasana-e-dair-o-haram se kya hasil
yahan to saqi-e-iman-shikan ki baat karo
ajab nahin ki qafas se rah-e-chaman nikle
asiir rah ke bahar-e-chaman ki baat karo
sukut-o-gosha-nashini se ‘qadri’ hasil
sukhan-varon men kamal-e-sukhan ki baat karo
Leave a Reply