maz.hab ki kitabon men bhi irshad hua main
duniya tiri ta.amir men buniyad hua men
sayyad samajhta tha riha ho na sakunga
hathon ki nasen kaaT ke azad hua main
uryan hai mire shahr men tahzib ki devi
mandir ka pujari tha so barbad hua main
mazmun se likhta huun ka.i dusre mazmun
duniya ye samajhti hai ki naqqad hua main
har shaḳhs hiqarat se mujhe dekh raha hai
jaise kisi mazlum ki fariyad hua main
Leave a Reply