ziist ke asar ruḳhsat hain mohabbat dil men hai
karvan jaata hai mir-e-karvan manzil men hai
aao dam siine men baaqi hai na hasrat dil men hai
ab to jo kuchh hai vo chashm-e-muntazar ke til men hai
haan azal se jo muqaddar hai vahi hoga magar
jazba-e-ta.id-e-qudrat sa.i-e-la-hasil men hai
jan-sitan hai husn kya husn-e-talab ki ehtiyaj
vo to zinat ke liye ḳhanjar kaf-e-qatil men hai
jis ki manzil hai baqa vo jada-paima-e-fana
dil idhar naqis men shamil hai udhar kamil men hai
tab-e-ḳhalvat kaun la sakta hai dil to miT chuka
kis qadar qatil tira jalva bhari mahfil men hai
tu jise chahe haqiqat kah jise chahe majaz
ek surat jo nazar men hai vahi to dil men hai
iltija naz-afrini ke liye hai varna sun
aarzu ḳhud us ki shahid hai ki jalva dil men hai
ye mata-e-zist bhi hoti hai ‘mani’ nazr-e-maut
ik nazar ankhon men hai aur ek hasrat dil men hai
Leave a Reply