haath ki jumbish se mai chhalki paimane badnam hue
ḳhud pi pi kar duniya bahki maiḳhane badnam hue
kucha-e-ulfat men jo aaya kho ke numud-o-nam gaya
divane divane Thahre farzane badnam hue
hosh-o-ḳhirad ke charchon men likkhe ka bharam bhi qaa.em tha
dida-o-dil ki baton men ab afsane badnam hue
shab biite jab sham-e-farozan ki zau-kari ḳhatm hui
ḳhaak ke dhabbon se shishe par parvane badnam hue
kuchh har bad-zan kuchh vo bad-zan doshi ab kis ko Thahra.en
ulTi-sidhi baat ki pach par yarane badnam hue
badiya-gardi abla-pa.i qismat thi divanon ki
kis baa.is ai vahshat-e-dil phir virane badnam hue
daur nashili ankhon ka to roke se bhi ruk na saka
lekin chashm-e-kaif-agin ke mastane badnam hue
Leave a Reply