Mai-O-Saqi Hain Sab Yakja Ahahaha Ahahaha

Poet

mai-o-saqi hain sab yakja ahahaha ahahaha

ajab aalam hai masti ka ahahaha ahahaha

bahar aa.i tuḌane phir lage zanjir divane

hua shor-e-junun barpa ahahaha ahahaha

jin ankhon ne na dekha tha kabhi yak ashk ka qatra

chale hain us se ab dariya ahahaha ahahaha

mire ghar is hava men saqi-o-mutrib agar hote

to kaise mai-kashi karta ahahaha ahahaha

kiya ‘bedar’ se ashiq ko tu ne qatl ai zalim

koi karta hai kaam aisa ahahaha ahahaha